07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

7 ივნისს, ჯივიპიმ ევროპული სტანდარტების დანერგვის მორიგი ეტაპის - წყალმომარაგების სისტემის მოდერნიზაციის პროექტის შედეგები წარადგინა. მედიასთან და სემეკის წარმომადგენლებთან გამართულ შეხვედრაზე ჯორჯიან უოთერ ენდ ფაუერის მენეჯმენტმა წყლის მოპოვებისა და დამუშავების ძირითადი ობიექტების, წყალმომარაგების ქსელების, მომხმარებლებთან კომუნიკაციისა და კომპანიის სერვისების შესახებ ისაუბრა.

“ჯივიპის გუნდი აქტიურად განაგრძნობს საოპერაციო მაჩვენებლების კიდევ უფრო გაუმჯობესებას, სამომხმარებლო სერვისების მოდერნიზაციასა და მნიშვნელოვანი ინფრასტრუქტურული პროექტების რეაბილიტაციას. 2024 წელს ჩვენ 96%-ით შევამცირეთ წყალმომარაგების ქსელზე გარდამავალი ავარიების რაოდენობა, რამაც მოგვცა შესაძლებლობა გაგვეზარდა კომპანიის ეფექტურობა. ჯორჯიან უოთერ ენდ ფაუერი 2024-2026 წლებში, წყალმომარაგების სფეროში უპრეცენდენტო - 378 მილიონი ლარის ინვესტიციას განახორციელებს, რომელიც სრულად მოხმარდება მოძველებული ქსელებისა და ინფრასტრუქტურის განახლებას და გამართული ოპერირებისთვის აუცილებელი სპეც ტექნიკისა შეძენას“. - ხოსე მიგელ სანტოს გონსალესი, ჯივიპის გენერალური დირექტორი.

ჯივიპის მფლობელმა, ესპანურმა კომპანია Aqualia-მ, 2023 წლის მეორე ნახევრიდან  თბილისის, რუსთავისა და მცხეთის წყალმომარაგებაში ევროპული მიდგომებისა და სტანდარტების დანერგვა აქტიურად დაიწყო. სწორედ აღნიშნული პროცესის ნაწილია წყალმომარაგების სისტემის მოდერნიზების 2024 წელს დასრულებული და მიმდინარე საინვესტიციო პროექტები, კერძოდ:

• ჟინვალის ჰიდროკომპლექსის მოდერნიზაციისა და სტაბილური ოპერირებისთვის მნიშვნელოვანი ინფრასტრუქტურული ერთეულების რეაბილიტაციაში ჯივიპი 7.2 მილიონი ლარიან ინვესტიციას ახორციელებს;
• წყალმომარაგების სათავე ნაგებობების სტაბილური  და  გამართული  ფუნქციონირებისთვის ახლით იცვლება დანადგარები და ინფრასტრუქტურა, სატუმბო სადგურებზე კი მონტაჟდება ახალი ტუმბო-აგრეგატები.
• მიმდინარეობს წყალმომარაგებისა და წყალარინების 84 კილომეტრი სიგრძის მოძველებული ქსელის რეაბილიტაცია, რაშიც კომპანია 51 მილიონ ლარის ინვესტიციას ახორციელებს;
• 13 მილიონ ლარამდე ინვესტიციით სრულად აღიჭურვება და განახლდება ჯივიპის ავვტოპარკი და სპეც-ტექნიკა;
• ქსელში წყლის ხარისხის უწყვეტი კონტროლისთვის დამატებით ინერგება ევროპული სტანდარტის შესაბამისი თანამედროვე მოწყობილობები.
  
  

წყალმომარაგების სისტემის განვითარებისთვის  ინფრასტრუქტურულ და საოპერაციო პროექტებთან ერთად ჯორჯიან უოთერ ენდ ფაუერი აქტიურად ახორციელებს სხვადასხვა ტიპის საკომუნიკაციო  კამპანიებს, რომლებიც ემსახურება ცნობიერების ამაღლებას  წყლის, როგორც ძვირფასი პროდუქტის შესახებ და საზოგადოების ინფორმირებას წყალმომარაგების სერვისების შესახებ. ასევე, ინერგება ახალი ვებ-გვერდი და მობილური აპლიკაცია მომხმარებელზე მორგებული ფუნქციონალით, სადაც პერსონალური სივრცის დახმარებით მომხმარებელს მარტივად შეეძლება ელექტრონული სერვისებით სარგებლობა. 

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად

24/11/2023 მნიშვნელოვნად გამარტივდება საოპერაციო პროცესები და შეამცირდება ავარიებზე რეაგირების დრო - ზურა ალფაიძე, gwp-ის ტექნიკური განვითარების და სისტემების დირექტორი

ვრცლად