2 93 11 11
11/11/2016 კომპანია ,,ჯორჯიან უოთერ ენდ ფაუერი“ თბილისის მოსახლეობას ყოველკვირეულ ანგარიშს აბარებს
კომპანია „ჯორჯიან უოთერ ენდ ფაუერმა“ ნაძალადევის რაიონში, ჩარგლის და მუხრანის ქუჩების კვეთაზე, წყალსადენის მაგისტრალურ ქსელზე სარეაბილიტაციო სამუშაოები დაასრულა - ახლით შეიცვალა 900 მმ-იანი მაგისტრალური ქსელის 450 მეტრი სიგრძის მონაკვეთი და 6 ახალი ევროსტანდარტის ჩამკეტ-მარეგულირებელი ურდული დამონტაჟდა. შედეგად დიღმის მასივის, ნაძალადევის რაიონის და ლოტკინის დასახლების წყალმომარაგება მნიშვნელოვნად გაუმჯობესდება.
მიმდინარე კვირის მანძილზე ,,ჯორჯიან უოთერ ენდ ფაუერი“ სარეაბილიტაციო სამუშაოებს თბილისის სხვადასხვა უბანში აგრძელებს:
ვაკის რაიონში - წყნეთში, გრიშაშვილის ქუჩაზე, სარეაბილიტაციო სამუშაოები დასრულების ფაზაშია. წყალსადენის ქსელის 725 მეტრი სიგრძის ამორტიზებული მონაკვეთი ახლით იცვლება.
საბურთალოს რაიონში - სოფელ დიღომში, თამარ მეფის ქუჩაზე, სარეაბილიტაციო სამუშაოები ასევე დასრულების ფაზაშია. წყალარინების 350 მეტრი სიგრძის მოძველებული მონაკვეთი ახლით იცვლება.
სამგორის რაიონში - ვარკეთილის მეურნეობის დასახლებაში, რუსთაველის ქუჩაზე, სარეაბილიტაციო სამუშაოები აქტიურ ფაზაშია. წყალარინების ქსელის 325 მეტრი სიგრძის მონაკვეთი ახლით იცვლება.
ისნის რაიონში - დიდგორის ქუჩაზე, სარეაბილიტაციო სამუშაოები აქტიურად მიმდინარეობს, წყალარინების ქსელის 250 მეტრზე მეტი სიგრძის ამორტიზებული მონაკვეთი ახლით იცვლება.
ნაძალადევის რაიონში - ავშნის და ნუშის ქუჩებზე, სარეაბილიტაციო სამუშაოები გრძელდება, წყალსადენის ქსელის 5 500 მეტრი სიგრძის ამორტიზებული მონაკვეთი ახლით იცვლება და ევროსტანდარტის ჩამკეტ-მარეგულირებელი ურდულები მონტაჟდება.
2016 წლის მანძილზე კომპანია „ჯორჯიან უოთერ ენდ ფაუერი“ სარეაბილიტაციო სამუშაოებს თბილისის 140 ქუჩაზე განახორციელებს და 100 კმ-ზე მეტი ქსელი შეიცვლება.
კომპანია ”ჯორჯიან უოთერ ენდ ფაუერი” (GWP)
11.11.2016
26/07/2024 Georgia Global Utilities announces issuance of $300 Million Green Bonds
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
