2 93 11 11
25/01/2018 ჯორჯიან უოთერ ენდ ფაუერმა ვარკეთილი 3-ში წყალმომარაგების სისტემა სრულად განაახლა
ჯორჯიან უოთერ ენდ ფაუერმა ვარკეთილი 3-ის წყალმომარაგების სისტემის გამართულად ფუნქციონირების მიზნით, კიდევ ერთი მასშტაბური სარეაბილიტაციო პროექტი დაასრულა.
პროექტის ფარგლებში, კომპანიამ ვარკეთილი 3-ის მიკრორაიონების მკვებავი წყალმომარაგების ქსელის 3 კმ-ზე მეტი სიგრძის მონაკვეთი სრულად შეცვალა. პარალელურად, აღნიშნულ ტერიტორიაზე წყალმომარაგების სტაბილურობის მიზნით, თითოეულ კორპუსთან ჩამკეტ-მარეგულირებელი ურდულები დაამონტაჟა.
ჯორჯიან უოთერ ენდ ფაუერმა, ვარკეთილი 3-ის მიკრორაიონების მოსახლეობის ცხოვრების ხარისხის გაუმჯობესებისთვის, პროექტში 400 000 ლარის ინვესტიცია განახორციელა.
სარეაბილიტაციო პროექტის ბოლო ეტაპს კომპანია დღეს განახორციელებს - წყალმომარაგების განახლებული ქსელი ცენტრალურ მაგისტრალზე დაერთდება და ხვალ დილიდან ექსპლუატაციაში შევა. მოსახლეობისთვის ნაკლები დისკომფორტის შექმნის მიზნით, ტექნიკური სამუშაოების ძირითად ნაწილს ღამის საათებში განახორციელებენ.
სამუშაოების ჩასატარებლად მაგისტრალური ქსელის წყლისგან დაცლაა აუცილებელი, რის გამოც დღეს, 25 იანვარს, საღამოს 21:00 საათიდან, 26 იანვრის, დილის 07:00 საათამდე წყალმომარაგება შეეზღუდება:
სამგორის რაიონში - ვარკეთილი3 -ის III მიკრორაიონს.
წყალმომარაგების შეზღუდვისა და აღდგენის შესახებ ინფორმაციას ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - www.gwp.ge
ჯორჯიან უოთერ ენდ ფაუერი დისკომფორტისთვის ბოდიშს უხდის მომხმარებლებს და შეეცდება, სამუშაოების ჩატარება მოკლე დროში დაასრულოს.
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
24/11/2023 მნიშვნელოვნად გამარტივდება საოპერაციო პროცესები და შეამცირდება ავარიებზე რეაგირების დრო - ზურა ალფაიძე, gwp-ის ტექნიკური განვითარების და სისტემების დირექტორი
