06/02/2013 წყალარინების სისტემის რეაბილიტაცია გარდაბანში

კომპანია „რუსთავის წყლის“ გენერალური დირექტორის მოადგილე ჰელმუტ ვეიდელი, კომპანიის სხვა ხელმძღვანელ პირებთან ერთად, დღეს, ქ. გარდაბანში მიმდინარე წყალარინების სისტემის სარეაბილიტაციო სამუშაოებსა და 5 კმ სიგრძის საკანალიზაციო კოლექტორის მშენებლობის პროცესს ადგილზე გაეცნო.

„რუსთავის წყალი“ გარდაბანში, აზიზბეკოვის ქუჩაზე, ე.წ. ჯაფარიძეების უბანში წყალარინების სისტემის რეკონსტრუქციის პროექტის პირველი ეტაპის სამუშაოების განხორციელებას ახლახან შეუდგა. პროექტის ფარგლებში დაგეგმილია გარდაბნის წყალარინების ქსელების რეაბილიტაცია-განვითარება და  ჩამდინარე წყლების საქაჩი ორი სატუმბო სადგურის სრული  რეკონსტრუქცია. სატუმბო სადგურები მთლიანად გადაიარაღდება უახლესი ტიპის 4 ტუმბო-აგრეგატით, აღიჭურვება ავტომატური მართვის დანადგარებითა და ფარებით.  რეკონსტრუქციის შედეგად, თითოეული ასეთი ტუმბო-აგრეგატი საათში 216 კუბურ მეტრ ჩამდირე წყალს გადაქაჩავს.

მნიშვნელოვანია, რომ პროექტის ფარგლებში ასევე მიმდინარეობს 5 კმ-ის სიგრძის, 400 მმ დიამეტრის წნევიანი გამყვანი კოლექტორის მშენებლობა. ახალი საკანალიზაციო კოლექტორისა და რეაბილიტირებული სატუმბო სადგურების მეშვეობით, ქ. გარდაბნის წყალარინების ქსელებიდან შესული ჩამდინარე წყლები, გასუფთავება-გადამუშავების მიზნით, გარდაბნის გამწმენდი ნაგებობების მიმღებ კამერებამდე გადაიქაჩება. გარდაბნის კოლექტორის ექსპლუატაციაში გაშვებით საბოლოოდ აღიკვეთება  გარემოს დაბინძურება ჩამდინარე წყლების ჩაღვრისაგან.

როგორც ჰელმუტ ვეიდელმა აღნიშნა, გარდაბნის წყალარინების სისტემის რეაბილიტაცია-რეკონსტრუქციის პროექტის განხორციელებით და საკანალიზაციო კოლექტორის მშენებლობით „ჯეორჯიან გლობალ იუთილითიზ“ და მისი შვილობილი კომპანია „რუსთავი წყალი“ 2008 წლის ნასყიდობის ხელშეკრულებით ნაკისრ ერთ-ერთ მნიშვნელოვან ვალდებულებას ასრულებს და ამ მიმართულებით გასაწევი ინვესტიციის მოცულობა  2,5 მლნ ლარს შეადგენს.
 
პროექტში „რუსთავის წყლის“ ტექნიკურ პერსონალთან ერთად ადგილობრივი კადრებიც არის დასაქმებული. აღნიშნული სარეაბილიტაციო-სამშენებლო სამუშაოები მიმდინარე წლის აპრილის ბოლოს დასრულდება.
 
წყალარინების სისტემის რეაბილიტაცია-რეკონსტრუქციის პროექტის პარალელურად, გარდაბანში  წყალსადენის ქსელების ეტეპობრივი რეაბილიტაციაც მიმდინარეობს, ასევე, თითქმის დასრულებულია მოსახლეობის ინდივიდუალური გამრიცხველიანების პროგრამა. ამას გარდა, მიმდინარე წელს  დაგეგმილია გარდაბანში არსებული საქლორატორო სადგურის რეკონსტრუქცია და, დამატებით, ახალი საქლორატორო სადგურის მშენებლობა.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად