31/05/2013 მე-14 ბიზნესდაჯილდოების ერთ-ერთი გამარჯვებული „ჯორჯიან უოთერ ენდ ფაუერი“ გახდა

2012 წლის მანძილზე, მომსახურების სექტორში შეტანილი წვლილისთვის, „ჯორჯიან უოთერ ენდ ფაუერი“ დაჯილდოვდა სპეციალური პრიზითა და სიგელით, რომელიც  კომპანიის გენერალურ დირექტორს - ბესიკ ვაშაკაშვილს შემოსავლების სამსახურის უფროსმა - ვაჟა ხუციშვილმა 30 მაისს, წარმატებული ბიზნესკომანიების რიგით მე-14 ბიზნესდაჯილდოების ცერემონიალზე გადასცა.

რიგით მე-14 ბიზნესდაჯილდოებამ 2012 წლის საუკეთესო 25 ბიზნესკომპანია გამოავლინა, რომელთა შერჩევა სპეციალურად მოწვეულ ექსპერტთა შეფასებით მოხდა.

„ჯორჯიან უოთერ ენდ ფაუერის“ გენერალური დირექტორის - ბესიკ ვაშაკაშვილის შეფასებით, ქვეყნის ეკონომიკის განვითარების პროცესში ბიზნესის სტიმულირების ერთ-ერთი გზა სწორედ ასეთი დაჯილდოებებია. მნიშვნელოვანია, რომ საზოგადოებასაც გარკვეული წარმოდგენა შეექმნას სხვადასხვა კომპანიის საქმიანობაზე და იმ სირთულეებზე, რაც ახლავს ბიზნესის კეთებას და მასთან დაკავშირებული ინფრასტრუქტურის გამართულად ფუნქციონირებას. „ჯორჯიან უოთერ ენდ ფაუერს“ ყოველ ბიზნესკომპანიასთან და თითოეულ თბილისელთან განსაკუთრებული ურთიერთობა აკავშირებს - ქმნის პროდუქტს - ხარისხიან სასმელ წყალს, რომელსაც იოლად ხელმისაწვდომს ხდის. ეს პროდუქტი, რომელიც ჩვენს ონკანებში მოედინება, კომპანიის თანამშრომლების თავდაუზოგავი შრომისა და დიდი პასუხისმგებლობის შედეგია.

საქართველოს წარმატებული ბიზნესკომანიების ტრადიციული, რიგით მე-14 ბიზნესდაჯილდოება, მედიაჰოლდინგ „ჯორჯიან თაიმსის“ ორგანიზებით, სასტუმრო „ქორთიარდ მერიოტში“ ჩატარდა. ბიზნესდაჯილდოება შედგა საზოგადოებრივი აზრისა და მარკეტინგული კვლევების ასოციაცია ,,გორბის" მონაწილეობითა და საქართველოს ფინანსთა სამინისტროს, საერთაშორისო სავაჭრო პალატის, ამერიკის სავაჭრო პალატისა და საქართველოს ბიზნესასოციაციის მხარდაჭერით.

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად

24/11/2023 მნიშვნელოვნად გამარტივდება საოპერაციო პროცესები და შეამცირდება ავარიებზე რეაგირების დრო - ზურა ალფაიძე, gwp-ის ტექნიკური განვითარების და სისტემების დირექტორი

ვრცლად