05/06/2013 „ჯორჯიან უოთერ ენდ ფაუერის“ ტექნიკურმა დირექტორმა, ესმა ონიანის ქუჩაზე მიმდინარე სამუშაოები დაათვალიერა

„ჯორჯიან უოთერ ენდ ფაუერი“ თბილისის ქუჩების ქსელებზე სარეაბილიტაციო სამუშაოების განხორციელებას მიმდინარე წელსაც აგრძელებს. დღეს, „ჯორჯიან უოთერ ენდ ფაუერის“ ტექნიკურმა დირექტორმა - ჰელმუტ ვეიდელმა, კომპანიის სხვა ხელმძღვანელ პირებთან ერთად, თბილისში, წყალსადენის მაგისტრალურ ქსელებზე მიმდინარე სარეაბილიტაციო სამუშაოები დაათვალიერა. შესასრულებელი სამუშაოების მონიტორინგის მიზნით, მან დიღმის მასივში მდებარე ესმა ონიანის ქუჩა მოინახულა.

ესმა ონიანის ქუჩა გეგმით გათვალისწინებულ იმ ქუჩების ნუსხაშია, რომელთა ამორტიზებული და ხანდაზმული ქსელების შეცვლას „ჯორჯიან უოთერ ენდ ფაუერი“ მიმდინარე წელს ახორციელებს. ესმა ონიანის  ქუჩაზე შესაცვლელი ქსელების საერთო სიგრძე  800 მეტრამდეა. რეაბილიტაცია უტარდება ქუჩის წყალსადენის როგორც მაგისტრალურ ქსელებს, ასევე 35-ვე განშტოებასაც, მონტაჟდება ახალი ჩამკეტ-მარეგულირებელი არმატურა და ეწყობა წყალსადენის ახალი საკვანძო ჭა.

მიმდინარე წელს, პირველი ეტაპის სარეაბილიტაციო-საპროფილაქტიკო სამუშაოები უკვე  დასრულდა. ქსელების რეაბილიტაციის შემდეგ, ყველა ამ ქუჩის, და მათ შორის ესმა ონიანის ქუჩის მობინადრეთა წყალმომარაგება გაცილებით სტაბილური გახდება.

სარებილიტაციო სამუშაოებს კომპანია მე-5 წელია აწარმოებს მასშტაბური პროექტის ფარგლებში, რომლის საერთო სახელწოდებაა "თბილისის ქუჩების წყალსადენისა და წყალარინების მაგისტრალური ქსელების რეაბილიტაცია". 2012 წლის ჩათვლით, აღნიშნული პროექტის ფარგლებში, „ჯორჯიან უოთერ ენდ ფაუერმა“ თბილისის სხვადასხვა რაიონის, დაახლოებით, 450 ქუჩის მიწისქვეშა კომუნიკაციებს ჩაუტარა რეაბილიტაცია და ქსელების 300 კმ-ზე მეტი მთლიანად ახლით შეცვალა. 

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად