2 93 11 11
30/04/2014 „ჯორჯიან უოთერ ენდ ფაუერი“ გაზაფხულის სეზონს მომზადებული ხვდება
კომპანია „ჯორჯიან უოთერ ენდ ფაუერი“ გაზაფხულისთვის დამახასიათებელ ჭარბ ნალექსა და წყალდიდობას მომზადებული ხვდება - დედაქალაქის წყალმომარაგების სისტემას, გაზაფხულის უამინდობის გამო, პრობლემა არ შეექმნება. აღნიშნულ და სხვა რამდენიმე საკითხთან დაკავშირებით, გიორგი გაჩეჩილაძემ, კომპანიის გენერალური დირექტორის რანგში, დღეს, პირველი პრესკონფერენცია გამართა.
ახალმა გენერალურმა დირექტორმა ყურადღება გაამახვილა კომპანიის ტექნიკურ მზადყოფნასთან დაკავშირებით გაზაფხულის სეზონზე მოსალოდნელი უამინდობის პირობებში. როგორც გიორგი გაჩეჩილაძემ აღნიშნა, ბოლო 2 კვირის მანძილზე რამდენჯერმე შექმნილი რთული მდგომარეობის მიუხედავად, კომპანიის ტექნიკურმა სამსახურებმა იმდენად კოორდინირებულად და ოპერატიულად იმოქმედა, რომ ეს მინიმალურად აისახა დედაქალაქის მოსახლეობაზე და თბილისელებს წყალმომარაგების თვალსაზრისით, პრაქტიკულად, შეფერხება არ ჰქონიათ.
რაც შეეხება ცვლილებას კომპანიაში, გიორგი გაჩეჩილაძე თქმით, გენერალური დირექტორის შეცვლა კომპანიის ახალ ტექნოლოგიურ საფეხურზე გადასვლას უკავშირდება. მისი განცხადებით, „ჯორჯიან უოთერ ენდ ფაუერი“ განვითარების ახალ ეტაპზე გადადის, რაც გეოინფორმაციული სისტემის - „გისის“ შექმნას გულისხმობს. კომპანიის ტექნიკური მხარე მთლიანად დაეფუძნება გეოინფორმაციულ სისტემას, რომელიც კომუნალური ტიპის გამანაწილებელი კომპანიისთვის სასიცოცხლოდ აუცილებელია. აღნიშნული ტექნოლოგია მიმდინარე წლის სექტემბერიდან დაინერგება.
ახალ ტექნოლოგიურ საფეხურზე გადასვლა დააჩქარებს წყალსადენის ქსელების რეაბილიტაციის პროცესს. რეაბილიტაცია მუდმივ რეჟიმში მიმდინარეობს. 2014 წელს ქსელები გამოიცვლება თბილისის 70 ქუჩაზე. პროცესის დაგეგმვისას „ჯორჯიან უოთერ ენდ ფაუერი“ ცდილობს პრიორიტეტი მიანიჭოს იმ ქუჩებს, სადაც მილები უარეს მდგომარეობაშია - ქსელების განახლება სწორედ ამ პრინციპით ხდება.
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
