12/06/2014 სააკაძის ქუჩაზე მომხდარი დაზიანება

გუშინ, გვიან საღამოს, ნაძალადევის რაიონში, სააკაძის ქუჩაზე ჩამოიშალა მშენებარე საცხოვრებელი კორპუსის საძირკვლის ერთ-ერთ მხარე, რომელიც სათანადოდ არ აღმოჩნდა გამაგრებული. ნიადაგის ჩამოშლის შედეგად ავარიულად დაზიანდა წყალსადენის 250 მმ და 100 მმ-იანი ქსელები. ამის გამო წყალმომარაგება ნაძალადევის რაიონში მხოლოდ მცირე არეალს შეუწყდა. დაზიანების სალიკვიდაციო სამუშაოებს „ჯორჯიან უოთერ ენდ ფაუერი“ გუშინ საღამოს 23:30 საათიდან ატარებს, თუმცა ტექნიკური სამუშაოების სწრაფად ჩატარება ფერხდება იმის გამო, რომ წყალსადენის ქსელების სიახლოვეს მრავლადაა სხვა მიწისქვეშა კომუნიკაციები. შესაბამისად, კომპანია ვერ ახერხებს სპეცტექნიკის ინტენსიურად გამოყენებას და სამუშაოების ძირითად ნაწილს ბრიგადები ხელით ასრულებენ. აღნიშნული სირთულიდან გამომდინარე, ტექნიკური სამუშაოების დასრულებას „ჯორჯიან უოთერ ენდ ფაუერი“ დღეს, საღამოს 10 საათისთვის გეგმავს.

სააკაძის ქუჩაზე მომხდარი დაზიანების აღმოფხვრის მიზნით, დღეს, 12 ივნისის 22:00 საათამდე წყალმომარაგება შეწყვეტილი აქვს:

• სააკაძისა და ჭიჭინაძის ქუჩების ნაწილსა და დადიანის მე-2 მიკრორაიონს.

„ჯორჯიან უოთერ ენდ ფაუერი“ შეეცდება ტექნიკური სამუშაოების ჩატარება შესაძლებლად მოკლე დროში დაასრულოს. ჩამოთვლილ ქუჩებს წყალმომარაგება აღუდგებათ ეტაპობრივად, 12 ივნისის 22:00 საათიდან, ტექნიკური სამუშაოების დასრულებისთანავე.

ტექნიკური სამუშაოების ჩატარებით გამოწვეული წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის“ ოფიციალურ
Facebook-გვერდზე: https://www.facebook.com/georgianwaterandpower?ref=hl
და ვებგვერდზე: http://www.georgianwater.com/main.php?pg=spl&tp=7&mn1=3&mn2=37
ასევე, ნებისმიერ მომხმარებელს შეუძლია მიმართოს კომპანიის ცხელ ხაზს  2 93 11 11 .

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად