2 93 11 11
30/10/2015 საზაფხულო სტაჟირებისა და დასაქმების პროგრამის მონაწილე საუკეთესო სტუდენტები `ჯორჯიან უოთერ ენდ ფაუერში~ გააგრძელებენ მუშაობას
„ჯორჯიან უოთერ ენდ ფაუერის“ წლევანდელი საზაფხულო სტაჟირების პროგრამით, 10 საუკეთესო ახალგაზრდა გამოვლინდა, რომელიც კომპანიაში დასაქმდება, რამდენიმე კი - ანაზღაურებადი სტაჟორის პოზიციაზე გააგრძელებს საქმიანობას და პრაკტიკული ცოდნის შემდგომი გაღრმავების საშუალება მიეცემა.
ამის შესახებ „ჯორჯიან უოთერ ენდ ფაუერის“ კადრების განვითარების დეპარტამენტის ხელმძღვანელმა - სალომე ბაზერაშვილმა, დღეს, პროგრამის მონაწილე ახალგაზრდებს განუცხადა და მათ კომპანიაში ახლადდასაქმებული ის სტუდენტები წარუდგინა, რომლებიც „ჯორჯიან უოთერ ენდ ფაუერის“ მენეჯმენტმა საუკეთესოდ მიიჩნია. კომპანიის სათავო ოფისში შეკრებილ სტუდენტებსა და კურსდამთავრებულებს, რომლებიც „ჯორჯიან უოთერ ენდ ფაუერის“ საზაფხულო სტაჟირებისა და დასაქმების პროგრამაში იყვნენ ჩართულნი, შესაბამისი სერთიფიკატები გადაეცათ.
საუკეთესო სტუდენტების დასაქმების გადაწყვეტილება კომპანიის მენეჯმენტმა საზაფხულო სტაჟირებისა და დასაქმების პროგრამის დასრულების შემდეგ მიიღო. მათი გამოვლენა, პროგრამის მონაწილე 90 ახალგაზრდას შორის, მიღებული შედეგების ანალიზის მეთოდით მოხდა. საზაფხულო სტაჟირებისა და დასაქმების პროგრამაში პერსპექტიული და მოტივირებული ახალგაზრდების მოზიდვის მიზნით „ჯორჯიან უოთერ ენდ ფაუერმა“ ითანამშრომლა ვაკანსიათა ბაზრობა - „JOB FAIR“-თან, ასევე, ყველა იმ უმაღლეს სასწავლებლებთან, რომელთანაც ურთიერთთანამშრომლეობის მემორანდუმი აქვს გაფორმებული. მნიშვნელოვანია, რომ შერჩეულმა სტუდენტებმა სტაჟირების კურსი, ძირითადად, ტექნიკური მიმართულებით გაიარეს და კომპანიის ყოველდღიურ საქმიანობაში ჩაერთნენ. მსგავსი აქციები, მოტივირებული ახალგაზრდების დაინტერესებასა და „ჯორჯიან უოთერ ენდ ფაუერში“ მათ სამომავლო დასაქმებას შეუწყობს ხელს.
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
