02/09/2016 კომპანია ,,ჯორჯიან უოთერ ენდ ფაუერი“ თბილისის მოსახლეობას ყოველკვირულ ანგარიშს აბარებს

კომპანია ,,ჯორჯიან უოთერ ენდ ფაუერმა“ დიდუბის რაიონში, ქუთაისის ქუჩაზე, სარეაბილიტაციო სამუშაოები დაასრულა - ახლით შეიცვალა წყალსადენის ქსელის მოძველებული 880 მეტრი სიგრძის მონაკვეთი. ასევე,  წყალარინების ქსელის  200 მეტრი სიგრძის ამორტიზებული მონაკვეთი. წყალმომარაგების სტაბილურობისა და გაუმჯობესებისთვის კომპანიამ, ახალი ევროსტანდარტის ჩამკეტ-მარეგულირებელი ურდულები დაამონტაჟა.

ქუთაისის ქუჩაზე, სარეაბილიტაციო სამუშაოებს, დიდუბის რაიონის გამგეობა  10 სექტემბრისთვის დაასრულებს. აღნიშნულ ქუჩაზე ასფალტის ახალი საფარი დაიგება. 

ვაკის რაიონში, ჭავჭავაძის გამზირზე და საჯაიას ქუჩაზე,  წყალარინების ქსელის რეაბილიტაცია დაასრულდა. მოეწყო წყალარინების 530 მეტრი სიგრძის ახალი ქსელი და ამორტიზებული ქსელის 110 მეტრი სიგრძის მონაკვეთი ახლით შეიცვალა.

აღნიშნული ქსელი უზრუნველყოფს  მოსახლეობის და ისეთი მსხვილი აბონენტების მომსახურებას როგორიცაა სასტუმრო „ჰილტონი“ და  „აქსისი“.

ახალი ჰიდროელექტროსადგურის, საგურამოჰესის, ექსპლუატაციაში გასაშვებად მოსამზადებელი სამუშაოები დასრულების ფაზაშია.  საგურამოჰესის ექსპლუატაციაში ჩაშვება სექტემბრის მეორე ნახევარში იგეგმება.

მიმდინარე კვირის მანძილზე  კომპანია  სარეაბილიტაციო სამუშაოებს თბილისის სხვადასხვა უბანში აგრძელებს:

კრწანისის რაიონში, ფონიჭალაში, ყოფილი ელექტროშედუღების ქარხნის მიმდებარე ტერიტორიაზე სარეაბილიტაციო სამუშაოები დასრულდა. წყალარინების ქსელის   890 მეტრი სიგრძის  ამორტიზებული მონაკვეთი  მთლიანად შეიცვალა.

სამგორის რაიონში, ჭირნახულის ქუჩაზე სარეაბილიტაციო სამუშაოები დასრულდა. წყალსადენის ქსელის 1000 მეტრი სიგრძის მოძველებული მონაკვეთი ახლით შეიცვალა.

ნაძალადევის რაიონში, ცქიტიშვილის ქუჩაზე სარეაბილიტაციო სამუშაოების მეორე ეტაპი დაიწყო. წყალარინების ქსელის 800 მეტრი სიგრძის ამორტიზებული მონაკვეთი, ასევე, წყალსადენის ქსელის 780 მეტრი სიგრძის მონაკვეთი ახლით შეიცვლება.

2016 წლის მანძილზე კომპანია „ჯორჯიან უოთერ ენდ ფაუერი“ სარეაბილიტაციო სამუშაოებს თბილისის 140 ქუჩაზე განახორციელებს და 100 კმ-ზე მეტი ქსელი შეიცვლება.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად