09/09/2016 კომპანია ,,ჯორჯიან უოთერ ენდ ფაუერი

ახალი ჰიდროელექტროსადგურის, საგურამოჰესის, ექსპლუატაციაში გასაშვებად მოსამზადებელი სამუშაოები დასრულების ფაზაშია - მიმდინარეობს ელექტრო მოწყობილობების ტესტირება. საგურამოჰესის ექსპლუატაციაში ჩაშვება სექტემბრის მეორე ნახევარში იგეგმება.

კომპანიის ადამიანური კაპიტალის განვითარების დეპარტამენტმა, GWP აკადემიის მეორე პროექტისთვის, შერჩეული თანამშრომლები მენტორებთან გადაანაწილა. პროექტის მონაწილეები, დარგობრივი კომპეტენციის განვითარების მიზნით, სემინარებს წყალმომარაგებისა და წყალარინების 12 ძირითადი მიმართულებით  გაივლიან.

მიმდინარე კვირის მანძილზე  კომპანია ,,ჯორჯიან უოთერ ენდ ფაუერი"  სარეაბილიტაციო სამუშაოებს თბილისის სხვადასხვა უბანში აგრძელებს:

ვაკის რაიონში, ბარნოვის ქუჩის  სარეაბილიტაციო სამუშაოები დასრულდა.  წყალსადენის ქსელის 150 მეტრი და წყალარინების ქსელის 70 მეტრი სიგრძის ამორტიზებული მონაკვეთები ახლით შეიცვალა. ამავე ქუჩაზე, წყალმომარაგების სტაბილურობის მიზნით, კომპანიამ წყლის ახალი ხარჯმზომების დასამონტაჟებლად ოთხი ჭა მოაწყო.

საბურთალოს რაიონში, გიორგი ბრწყინვალეს ქუჩაზე, წყალსადენის ქსელის რეაბილიტაცია დასრულდა - წყალსადენის 100 მეტრი სიგრძის ახალი ქსელი მოეწყო.

ჩუღურეთის რაიონში, გედევანიშვილის ქუჩაზე, სარეაბილიტაციო სამუშაოები დასრულდა.  ახლით შეიცვალა წყალსადენის ქსელის მოძველებული 1100 მეტრი სიგრძის მონაკვეთი და ახალი ევროსტანდარტის ჩამკეტ-მარეგულირებელი ურდულები დამონტაჟდა.

ვარაზის ხევში, წყალარინების ქსელზე სარეაბილიტაციო სამუშაოების მეორე ეტაპი დასრულების ფაზაშია.  მაგისტრალურ ქსელზე მოეწყო წყალარინების მიმღები კამერა და ჭა. ახლით შეიცვალა 140 მეტრი სიგრძის მოძველებული მონაკვეთი.  მიმდინარეობს   გზის საფარის მოწესრიგება.  

სამგორის რაიონში, კალოუბნის ქუჩაზე სარეაბილიტაციო სამუშაოები აქტიურ ფაზაშია. წყალსადენის ქსელის 110 მეტრი სიგრძის ამორტიზებული მონაკვეთი ახლით იცვლება.

ამავე რაიონში ახვლედიანის ქუჩაზე სარეაბილიტაციო სამუშაოები გრძელდება. წყალარინების ქსელის 80 მეტრი სიგრძის ამორტიზებული მონაკვეთი ახლით იცვლება.

2016 წლის მანძილზე კომპანია „ჯორჯიან უოთერ ენდ ფაუერი" სარეაბილიტაციო სამუშაოებს თბილისის 140 ქუჩაზე განახორციელებს და 100 კმ-ზე მეტი ქსელი შეიცვლება.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად