2 93 11 11
25/09/2016 საგურამოჰესი საქართველოს ერთიან ენერგოსისტემაში, დღეს, 25 სექტემბერს ჩაერთვება
კომპანია „ჯორჯიან უოთერ ენდ ფაუერმა“, მცხეთის მუნიციპალიტეტის სოფელ საგურამოში, წლის ერთ-ერთი მნიშვნელოვანი პროექტის, ახალი ჰიდროელექტროსადგურის, საგურამოჰესის მშენებლობა დაასრულა.
ჰესი საქართველოს პრემიერმინისტრმა, გიორგი კვირიკაშვილმა და ენერგეტიკის მინისტრმა, ილია ელოშვილმა, საინვესტიციო ჯგუფ „ბიჯეოს“ გენერალურ დირექტორთან, ირაკლი გილაურთან და „ჯორჯიან უოთერ ენდ ფაუერის“ გენერალურ დირექტორთან, გიორგი ცხადაძესთან ერთად გახსნეს.
საგურამოჰესის გახსნის ცერემონიალს, ასევე საქართველოს მთავრობის წარმომადგენლები, თბილისის მერი და ვიცემერები, თბილისის საკრებულოს წარმომადგენლები, მცხეთა-მთიანეთის გუბერნატორი, ბიზნეს სექტორის წარმომადგენლები, ენერგეტიკის სფეროს წარმომადგენლები, არასამთავრობო ორგანიზაციები, ეკონომიკის ექსპერტები და მედიის წარმომადგენლები ესწრებოდნენ.
საგურამოჰესის მშენებლობის ინიციატორი და პროექტის ავტორი „ჯორჯიან უოთერ ენდ ფაუერია“. ეკოლოგიურად სუფთა, ,,მწვანე“ ჰესის უმაღლესი ხარისხითა და თანამედროვე ტექნოლოგიით მშენებლობისთვის კომპანიამ 11 მლნ ლარზე მეტი ინვესტიცია განახორციელა.
სო ჰესი „ჯორჯიან უოთერ ენდ ფაუერმა“ მთავარი აქციონერის, GWP-ის 100%-იანი წილის მფლობელის, საინვესტიციო ჯგუფ „ბიჯეოს“ მხარდაჭერით ააშენა, რომელიც კვლავ აქტიურად განაგრძობს უცხოური მოზიდული კაპიტალის ქართულ კომპანიებში ინვესტირებას.
„ბიჯეო“ ჯგუფმა „ჯორჯიან უოთერ ენდ ფაუერში“ ჯამში უკვე 200 მილიონ ლარზე მეტი ინვესტიცია განახორციელა, რამაც კომპანიის გაფართოვებას და განვითარებას ხელი მნიშვნელოვნად შეუწყო.
აგრეგატის დადგმული სიმძლავრე 5 მგვტ-ია, ხოლო საშუალო წლიური გამომუშავება - 32 მლნ.კვტ\სთ.
საგურამოჰესის ტურბინა-გენერატორი და დამხმარე მოწყობილობები, ავსტრიულმა კომპანია ANDRITZ HYDRO SAS -მა დაამზადა, რომელიც ლიდერია ჰიდროაგრეგატების წარმოების დარგში. სამშენებლო სამუშაოების ძირითადი ნაწილი, ქართულმა სამშენებლო კომპანია ,,სპეცჰიდრომშენმა“ განახორციელა. მშენებლობის პროცესს მსოფლიოში ერთ-ერთი ლიდერი, შვეიცარული კომპანია ,,Stucky SA” ზედამხედველობდა.
ახალი ჰესი ,,ჯორჯიან უოთერ ენდ ფაუერის’’ სათავე ნაგებობებისა და სატუმბო სადგურების ელექტროენერგიით უწყვეტ მომარაგებას უზრუნველყოფს, რაც თბილისის სტაბილური წყალმომარაგების კიდევ ერთი გარანტიაა.
საგურამოჰესის მშენებლობა 2015 წლის დეკემბრის თვეში დაიწყო. პროექტის გასახორციელებლად კომპანიამ დამატებით 100 ადამიანზე მეტი დაასაქმა.
25 სექტემბრიდან ახალი ჰიდროელექტროსადგური საქართველოს ერთიან ენერგოსისტემაში ჩაერთო.
ასეთი ტიპის ეკოლოგიურად სუფთა ჰესების მშენებლობა მნიშვნელოვანი ნაბიჯია ქვეყნის ენერგოდამოუკიდებლობის მისაღწევად.
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
