30/11/2016 2017 წელს „ჯორჯიან უოთერ ენდ ფაუერი“ გაორმაგებულ ინვესტიციას განახორციელებს

კომპანია „ჯორჯიან უოთერ ენდ ფაუერმა“, თბილისის მერიამ და საკრებულომ დღეს ერთობლივი ანგარიში წარადგინეს. პრესკონფერენცია „ანგარიში თბილისის“ პროექტის ფარგლებში გაიმართა და „ჯორჯიან უოთერ ენდ ფაუერის“, თბილისის მერიის და საკრებულოს ერთობლივ საინვესტიციო პროექტებს მიეძღვნა.

თბილისის მოსახლეობას ანგარიში წარუდგინეს: კომპანია „ჯორჯიან უოთერ ენდ ფაუერის“ გენერალურმა დირექტორმა - გიორგი ცხადაძემ, თბილისის მერის მოადგილემ - ირაკლი ლექვინაძემ და  თბილისის მუნიციპალიტეტის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარემ - გოჩა ბაბუნაშვილმა.

2016 წლის განმავლობაში „ჯორჯიან უოთერ ენდ ფაუერმა“, თბილისის მერიასა და საკრებულოსთან ერთად ქალაქის წყალმომარაგების ინფრასტრუქტურის გაუმჯობესებისა და განვითარებისთვის მნიშვნელოვანი ერთობლივი პროექტები განახორციელა. პრესკონფერენციაზე საუბარი იყო, როგორც 2016 წელს შესრულებული, ასევე 2017 წელს დაგეგმილი პროექტების შესახებ, რაც მნიშვნელოვანია დედაქალაქის ურბანული განვითარებისთვის.

„ჯორჯიან უოთერ ენდ ფაუერის“ გენერალურმა დირექტორმა, გიორგი ცხადაძემ, კომპანიის 2016 წლის შესრულებული ჯამური ინვესტიცია  და 2017 წლის საინვესტიციო პროექტები წარმოადგინა.

როგორც კომპანიის ხელმძღვანელმა აღნიშნა, 2017 წელს წყალმომარაგების ინფრასტრუქტურის განვითარებასა და ენერგეტიკულ პროექტებში გაორმაგებული, 142.8 მლნ ლარის  ინვესტიცია განხორციელდება. კომპანია 2017 წელს ახალი ჰიდროელექტროსადგურის - ბოდორნაჰესის მშენებლობას და გარდაბნის გამწმენდი ნაგებობის რეაბილიტაციასაც გეგმავს.

„ჯორჯიან უოთერ ენდ ფაუერის“, თბილისის მერიის და საკრებულოს ერთობლივ ანგარიშს ცენტრალური ხელისუფლების, თბილისის მერიისა და საკრებულოს წარმომადგენლები, სემეკის წევრები, ბიზნეს-ომბუცმენი და ექსპერტ-ანალიტიკოსები ესწრებოდნენ.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად