10/02/2017 კომპანია ,,ჯორჯიან უოთერ ენდ ფაუერი“ თბილისის მოსახლეობას ყოველკვირულ ანგარიშს აბარებს

4 თებერვალს, თბილისის მერმა დავით ნარმანიამ, მოადგილეებთან, მერიის სამსახურების ხელმძღვანელებთან და ,,ჯორჯიან უოთერ ენდ ფაუერის“ მენეჯმენტთან ერთად, GWP-ის ობიექტები დაათვალიერა.

ტურის ფარგლებში, სტუმრებმა, ღრმაღელეს სათავო ნაგებობა, საფილტრე სადგური, წყლის ხარისხის კონტროლის ცენტრალური ლაბორატორია, საგურამოს სატუმბო სადგური, ნატახტრის წყალშემკრები ნაგებობა, ჟინვალის წყალსაცავი და ახალი ჰიდროელექტროსადგური - „საგურამოჰესი" მოინახულეს.  მათ ასევე, უნიკალური მობილური ლაბორატორია დაათვალიერეს, რომელიც დღეს, რეგიონის მასშტაბით ერთადერთია. ტურის ფარგლებში, GWP-ის ხელმძღვანელებმა, თბილისის მერს და მერიის წარმომადგენლებს  2017 წლისთვის დაგეგმილი პროექტებიც გააცნეს.

ამჟამად, კომპანია „ჯორჯიან უოთერ ენდ ფაუერი“  წყალმომარაგების ინფრასტრუქტურის სრულ რეაბილიტაციას ერთდროულად თბილისის 30 ქუჩაზე ახორციელებს:

სამგორის რაიონში: ვარკეთილის მეურნეობაში, ჭავჭავაძის და წერეთლის ქუჩებზე, კახეთის გზატკეცილზე, აეროპორტის ხიდიდან ორხევის ხიდამდე, იუმაშევის, ჭიჭინაძის, გოკიელის, წუწუნავას ქუჩებზე და ლილოს დასახლებაში, 107-ე სკოლის მიმდებარედ.

გლდანის რაიონში: ფეიქრების და კულა გლდანელის ქუჩებზე, იპოლიტოვ-ივანოვის I ჩიხში;

დიდუბის რაიონში: გედევანიშვილის ქუჩაზე;

ვაკის რაიონში: ზაჰესის ხიდის მიმდებარედ, წყნეთში - ჯავახიშვილის ქუჩაზე და ჯავახიშვილის II შესახვევში;

კრწანისის რაიონში: მელქაძის ქუჩაზე;

ნაძალადევის რაიონში: დიდი ჯიხაიშის,ავშნის და ნუშის ქუჩებზე,რატევანის I და II შესახვევებში, ღრმაღელე-სამგორის წყალდენებზე;

ჩუღურეთის რაიონში: ცაიშის ქუჩაზე;

საბურთალოს რაიონში: ოდესის, კარტოზიას, ფარსადანის და ზაქარიაძის ქუჩებზე;

7 თებერვალს, სარეაბილიტაციო სამუშაოები „ჯორჯიან უოთერ ენდ ფაუერის“ ოპერაციული მართვის დირექტორმა, მამუკა კიკალიშვილმა და საბურთალოს რაიონის გამგებელმა, ბექა მიქაუტაძემ მოინახულეს. ზაქარიაძის და ოდესის ქუჩების ინფრასტრუქტურის განახლება თებერვლის მეორე ნახევარში დასრულდება, რის შედეგად საბურთალოს რაიონის მოსახლეობის წყალმომარაგება მნიშვნელოვნად გაუმჯობესდება.

კომპანია „ჯორჯიან უოთერ ენდ ფაუერის“ სარეაბილიტაციო სამუშაოების დასრულების შემდეგ, აღნიშნული ქუჩების ნაწილზე თბილისის მერია და ადგილობრივი რაიონის გამგეობა ასფალტის ახალ საფარს დააგებენ.

ასევე, კომპანიამ თბილისის მკვებავ, VI მაგისტრალურ წყალდენზე სარეაბილიტაციო სამუშაოები დაიწყო.   სარეაბილიტაციო პროექტის ფარგლებში კომპანიამ 650 მეტრი 1400 მმ-იანი, ქარხნული წესით დამზადებული ფოლადის, იზოლირებული ახალი მილები შეიძინა, რომელთა ექსპლუატაციის ვადა 3-ჯერ აღემატება არსებულს. აღნიშნულ პროექტში კომპანია 1 მლნ ლარზე მეტ ინვესტიციას ახორციელებს.

2017 წლის მანძილზე კომპანია „ჯორჯიან უოთერ ენდ ფაუერი“ სარეაბილიტაციო სამუშაოებს თბილისის 200 ქუჩაზე  განახორციელებს და 170 კმ-ზე მეტი ქსელი შეიცვლება.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად