2 93 11 11
13/10/2010 ეს შენი სასიცოცხლო პროდუქტია - დაზოგე წყალი!
ევროპის საბჭოს მიერ ორგანიზებული ადგილობრივი დემოკრატიის კვირეულის ფარგლებში, თბილისის მერიისა და კომპანია “ჯორჯიან უოთერ ენდ ფაუერის“ რამდენიმე ერთობლივი ღონისძიება გაიმართა, რომელიც წყლის რესურსების დაზოგვისა და თბილისში სასმელი წყლის ხარისხის პროპაგანდას ისახავს მიზნად.
დღეს დილით, “ჯორჯიან უოთერ ენდ ფაუერის“ ადმინისტრაციის ინიციატივით ტექნიკური უნივერსიტეტის სტუდენტებისთვის საგანმანათლებლო ტური მოეწყო ღრმაღელის საფილტრო საგდურსა და კომპანიის ცენტრალურ ლაბორატორიაში. სტუდენტებმა საკუთარი თვალით იხილეს წყლის დამუშავების ტექნოლოგიური პროცესები: კოაგულაცია, დალექვა, ფილტრაცია, აქტივირებული ნახშირით დამუშავება, ქლორირება. სტუდენტებმა ასევე გაეცნენ ქიმიურ-ბაქტერიოლოგიური ლაბორატორიის მუშაობას, სადაც წყლის ხარისხი მუდმივად ავტომატურ რეჟიმში კონტროლდება, პარალელურად კი ყოველ საათში ერთხელ, ლაბორატორიის სპეციალისტების მიერ, 33 პარამეტრით მოწმდება. ტურს ესწრებოდნენ “ჯორჯიან უოთერ ენდ ფაუერის“ ადმინისტრაციული დირექტორი ნიკოლოზ ბახტაძე და თბილისის მერიის წარმომადგენლები.
ღონისძიებამ 12 საათზე ”პუშკინის სკვერში” გადაინაცვლა, სადაც “ჯორჯიან უოთერ ენდ ფაუერმა“ აქცია-გამოფენა გამართა, სახელწოდებით - ”დაზოგე წყალი”. გამოფენის ფარგლებში საინფორმაციო ფლაერები დარიგდა, პარალელურად კი, ე.წ. მოძრავი გამოფენაც მოეწყო. მთელი დღის განმავლობაში, თბილისის ქუჩებში ფოტოსურათებით შეფუთული “GWP”-ს მანქანები დადიოდნენ და მოსახლეობას წყლის რესურსების დაზოგვის აუცილებლობის შესახებ შეახსენებდნენ.
აქციების საშულებით ”ჯორჯიან უოთერ ენდ ფაუერი” და თბილისის მერია ცდილობს გაზარდოს მოსახლეობის ინფორმირებულობა სასმელი წყლის ხარისხისა და მისი რაციონალურად მოხმარების აუცილებლობის შესახებ.
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
