22/01/2013 ცხელი სადილი „ჯორჯიან უოთერ ენდ ფაუერისგან“
კომპანია „ჯორჯიან უოთერ ენდ ფაუერმა“ და ასოციაცია „კათარზისმა“ ნათლისღების დღესასწაულთან დაკავშირებით მოაწყვეს ერთობლივი საქველმოქმედო აქცია - „ცხელი სადილი ყველას“.
„ჯორჯიან უოთერ ენდ ფაუერი“, მასპინძლის რანგში, დღეს დილის 11 საათიდან, „კათარზისთან“ ერთად, სოციალურად დაუცველ თბილისელებს უფასო ცხელი სადილით უმასპინძლდება. აქციის ორგანიზატორები ცხელ სადილს, დღის განმავლობაში, 2000-ზე მეტ კაცს შესთავაზებენ.
ნათლისღების დღესასწაულის მილოცვის მიზნით, ასოციაცია „კათარზისს“ „ჯორჯიან უოთერ ენდ ფაუერის“ გენერალური დირექტორის მოადგილე ჰელმუტ ვეიდელი და ადმინისტრაციული დირექტორი ნიკოლოზ ბახტაძეც ეწვივნენ და „კათარზისის“ თავშესაფარში მუდმივად მცხოვრებ მოხუცებს ღვინო და ტკბილეული გადასცეს.
„ჩვენი კომპანიისა და „კათარზისის“ თანამშრომლობა უკვე ტრადიციაა. ერთმანეთთან მყარი პარტნიორული ურთიერთობა გვაკავშირებს და ამ ტიპის საქველმოქმედო აქციებს რეგულარულად ვმართავთ. ნათლისღების დღესასწაულზე ნებისმიერ მსურველს შეუძლია გვეწვიოს, „კათარზისის“ კარი დღეს ნებისმიერი მოქალაქისთვის იქნება ღია და მათთვის სუფრა მთელი დღის განმავლობაში იქნება გაშლილი“, - განაცხადა ჰელმუტ ვეიდელმა.
„ჯორჯიან უოთერ ენდ ფაუერი“ რამდენიმე წელია აქტიურად თანამშრომლობს ასოციაცია „კათარზისთან“. პარტნიორობის ფარგლებში, მსგავსი საქველმოქმედო აქციები მომავალშიც გაიმართება.
![...](/storage/uploads/news/web Bonds.jpg)
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
![...](/storage/uploads/news/web 2.jpg)
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
![...](/storage/uploads/news/web.jpg)
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
![...](/storage/uploads/news/1239.jpg)
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
![...](/storage/uploads/news/78.jpg)
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი