17/10/2013 ღონისძიება ქვემო ფონიჭალაში - „სუფთა მტკვარი 2014 წლისთვის“

მასშტაბური პროექტი - „სუფთა მტკვარი 2014 წლისთვის“ („ მდ. მტკვარი ჩამდინარე წყლების გარეშე“), რომელსაც კომპანია „ჯორჯიან უოთერ ენდ ფაუერი“ რამდენიმე წელია ახორციელებს, მიმდინარე წლიდან აქტიურ ფაზაში გადავიდა.

„ჯორჯიან უოთერ ენდ ფაუერის“ გენერალურმა დირექტორმა ალექსეი კუზნეცოვმა, დღეს, თბილისის მერს - გიგი უგულავასა და ვიცე-მერს - დავით ნინიძეს პროექტის ფარგლებში მიმდინარე სამუშაოები გააცნო. ამ მიზნით, მათ ქვემო ფონიჭალაში, ტყე-პარკის ტერიტორიაზე მიმდინარე კომპლექსური სამუშაოები მოინახულეს, სადაც 800 მმ დიამეტრისა და 2100 მ. სიგრძის ბეტონის თვითდენითი მაგისტრალური მილის სრული რეაბილიტაცია  მიმდინარეობს. რეკონსტრუქციის შემდეგ განახლებული ქსელი მშენებარე სატუმბო სადგურს უნდა მიუერთდეს. „ჯორჯიან უოთერ ენდ ფაუერი“ ასევე აშენებს ამ სატუმბო სადგურიდან გამომავალ 2 პარალელურ, 500 მმ დიამეტრის  წყალარინების წნევიან ქსელს, რომლის საერთო სიგრძე  3 200 მ-ს შეადგენს. საბოლოოდ, ორივე ახალი ქსელი  გარდაბნის მთავარ გამყვან კოლექტორს მიუერთდება. ობიექტის საპროექტო  ღირებულება  2, 530 მლნ. ლარს შეადგენს. 

პროექტი - „სუფთა მტკვარი 2014 წლისთვის“ („ მდ. მტკვარი ჩამდინარე წყლების გარეშე“) მე-5 წელია მიმდინარეობს. წელს, პროექტის ფარგლებში, „ჯორჯიან უოთერ ენდ ფაუერმა“ უკვე დაასრულა თბილისის სხვადასხვა უბანში მდებარე 80-მდე ობიექტის რეკონსტრუქცია. წლის ბოლომდე მათ რიცხვს კიდევ 70 რეაბილიტირებული ობიეტი შეემატება.

პროექტის დაწყებამდე მდ. მტკვარში დედაქალაქის საკანალიზაციო წყლები სანიაღვრე ქსელების საშუალებით ხვდებოდა. პროექტის თანახმად კი კეთდება სანიაღვრე და წყალარინების (საკანალიზაციო) სისტემების განმხოლოება, სრულიად ახალი კომუნიკაციების მოწყობა, ძველი და ხანდაზმული ქსელების რეაბილიტაცია და მათი მიერთება მოქმედ განახლებულ ქსელებთან. პროექტი ითვალისწინებს წყალარინების განმხოლოებული ქსელების მდინარე მტკვრის მარჯვენა და მარცხენა სანაპიროზე განთავსებულ კოლექტორებთან და საბოლოო ჯამში, მთავარ გამყვან კოლექტორთან მიერთებას. ამ გზით, თბილისის ჩამდინარე წყლები გარდაბნის გამწმენდ ნაგებობამდე მივა. პროექტის დასრულების შედეგად, მივიღებთ სუფთა მდინარეს დედაქალაქში.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად