2 93 11 11
22/04/2014 „ჯორჯიან უოთერ ენდ ფაუერის“ სპეციალური განცხადება
დღეს გამთენიას, დაახლოებით 2 საათზე, კოკისპირულმა წვიმამ და ძლიერმა ჭექა-ქუხილმა პრობლემა შეუქმნა „ჯორჯიან უოთერ ენდ ფაუერის“ არაგვის ხეობასა და თბილისში განთავსებული სათავო ნაგებობების გამართულად ფუნქციონირებას. ჭექა-ქუხილმა ელექტროენერგიის ძაბვის ვარდნა გამოიწვია, რის გამოც ელექტროენერგიის მიწოდება დროებით შეუწყდა საგურამოში განთავსებულ ობიექტს, ასევე ღრმაღელისა და სამგორის სათავო ნაგებობებს. ენერგომომარაგების აღდგენის შემდეგ, დაზიანებული აღმოჩნდა ღრმაღელის სათავო ნაგებობის მთავარი მკვებავი ძალოვანი სადენი, რამაც ღრმაღელის სატუმბო სადგურის ვაკუუმ-ტუმბო აგრეგატების გათიშვა გამოიწვია. პარალელურად, ძაბვის ვარდნით გამოწვეული ჰიდრავლიკური დარტყმის შედეგად, დღეს გამთენიას, ერთდროულად დაზიანდა 1200 მმ-იანი IV მაგისტრალური წყალდენის ორი სხვადასხვა მონაკვეთი.
„ჯორჯიან უოთერ ენდ ფაუერი“ დაზიანებების აღმოფხვრას დროულად შეძლებს, რადგან მოსალოდნელ სტიქიას და მისგან გამომდინარე პრობლემებს ტექნიკურად მომზადებული შეხვდა - კომპანიამ ოპერატიულად მოახდინა დაზიანების ადგილებში საავარიო ბრიგადებისა და სპეცტექნიკის მობილიზება და აღდგენითი სამუშაოების განხორციელებას დაუყოვნებლივ შეუდგა. ასევე, კომპანიას გააჩნია სასმელი წყლის სათანადო მარაგი და თბილისის მოსახლეობას წყლით ამ დრომდე შეუფერხებლად უზრუნველყოფს.
მიუხედავად ამისა, ”ჯორჯიან უოთერ ენდ ფაუერი” აფრთხილებს მოსახლეობას, რომ დღის მეორე ნახევარში, დედაქალაქის გარკვეული რაიონების - კერძოდ კი ვაკისა და საბურთალოს ზოგიერთი უბნის წყალმომარაგება შესაძლებელია შეფერხებით განხორციელდეს. აღნიშნულის თაობაზე დამატებით ინფორმაციას კომპანია დღის განმავლობაში კიდევ გაავრცელებს.
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
