2 93 11 11
22/03/2010 ჯორჯიან უოთერ ენდ ფაუერისა და ლიტვის რესპუბლიკის საელჩოს ორგანიზებით, ფოტოგამოფენა ჩატარდა
22 მარტს, წყლის რესურსების დაცვის საერთაშორისო დღესთან დაკავშირებით, ვილნიუსის სკვერში შედგა ფოტოგამოფენა "2039 - მეტი ვედრე უბრალოდ წყალი".
22 მარტი ეს არის დღე, როდესაც მსოფლიო საზოგადოებას კიდევ ერთხელ შეახსენებენ, თუ რაოდენ მნიშვნელოვანი პროდუქტია სასმელი წყალი კაცობრიობისთვის და რაოდენ დიდი მნიშნველობა ენიჭება წყლის რესურსების მოფრთხილებასა და რაციონალურად გამოყენებას.
ფოტოგამოფენის ორგანიზატორები - კომპანია "ჯორჯიან უოთერ ენდ ფაუერი" და ლიტვის რესპუბლიკის საელჩო საქართველოში, ცნობილი ლიტველ ფოტოხელოვან ტომას კაუნეცკასთან ერთად, ცდილობენ დამთვალიერებელთა ყურადღების მიპყრობას ისეთი გლობალური პრობლემისადმი, როგორიცაა წყლის რესურსების დაცვა. მათი მიზანია, ინტერპრეტირებული ფოტოპერფორმანსის საშუალებით უჩვენონ, თუ როგორ შეუძლია წყლის რესურსებისადმი და, ზოგადად, ეკოლოგიისადმი უგუნურ დამოკიდებულებას ჩვენი პლანეტის უდაბნოდ ქცევა და ხომ შესაძლოა, ეს სულ რამდენიმე ათწლეულშიც მოხდეს. მათივე აზრით, ეს პრობლემა სერიოზულ მიდგომასა და აქტიურ მსჯელობას მოითხოვს.
საერთაშორისო ექსპერტები თვლიან, რომ არც დღეს არსებული რეალობაა ნაკლებად შემაშფოთებელი, რადგან სასმელი წყლის დეფიციტი თანდათანობით გლობალური პრობლემა ხდება. მეცნიერები კი მომავლის სხვადასხვა სცენარს წინასწარმეტყველებენ, თუმცა, ერთ რამეში თანხმდებიან _ ადამიანის უგუნური ქმედებებიდან გამომდინარე ცისფერ პლანეტას ეკოლოგიური კატასტროფა ემუქრება. რა უნდა მოიმოქმედოს ასეთ შემთხვევაში კაცობრიობამ? ერთადერთი რამ – დაზოგოს და მოუფრთხილდეს ბუნების ამ ფასდაუდებელ სიმდიდრეს. წყალი გაცილებით მნიშვნელოვანი ენერგომატარებელია, ვიდრე ელექტროენერგია, ბუნებრივი გაზი, ნავთობი ან ნახშირი. არ არსებობს დარგი, რომელსაც წყალმომარაგება არ სჭირდება და ადამიანსაც, რომლის ორგანიზმის 70% წყლისგან შედგება, ყველაზე მეტად სასმელი წყალი ესაჭიროება. და მიუხედავად იმისა, რომ მსოფლიოში 1,5 მლრდ ადამიანი განიცდის სასმელი წყლის მწვავე დეფიციტს, კაცობრიობას ჯერ კიდევ არ აქვს ბოლომდე გაცნობიერებული, რამდენად მნიშვნელოვანია სასმელი წყლით უზრუნველყოფასთან დაკავშირებული პრობლემები.
ჩვენი ქვეყანაც, ალბათ, იმ ქვეყნების რიცხვს განეკუთვნება, სადაც სასმელი წყლის დაზოგვისა და მოფრთხილების პრობლემაზე განსაკუთრებულად არასდროს უფიქრიათ. მრავალი ჩვენი თანამემამულე სრულებით დარწმუნებულია, რომ ქვეყანაში წყლის რესურსები ამოუწურავია და იოლად მოსაპოვებელი. ეს იმ ფონზე, როდესაც მსოფლიოში სასმელი წყლის დაზოგვა და მასთან დაკავშირებული ქმედითი ღონისძიებები უფრო და უფრო აქტუალური ხდება.
მოწვეულ სტუმრებთან ერთად, ღონისძიებას დაესწრებიან “ჯორჯიან უოთერ ენდ ფაუერის” გენერალური დირექტორი იორგ მათისი და ლიტვის რესპუბლიკის საელჩოს უფლებამოსილი მინისტრი ლაიმონას ტალატ-კელპშა.
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
