2 93 11 11
20/10/2015 ცნობილმა საკონსულტაციო კომპანიებმა „ჯორჯიან უოთერ ენდ ფაუერისთვის“ რეკომენდაციები შეიმუშავეს
ორმა ავტორიტეტულმა საკონსულტაციო კომპანიამ - „პრაისუოთერჰაუს კუპერსმა“ და „ფიხტნერმა“ საქართველოს წყალმომარაგების სექტორში მოქმედი სატარიფო მეთოდოლოგია შეისწავლა და ევროპის საუკეთესო კომუნალურ პრაქტიკაზე დაყრდნობით რეკომენდაციები მოამზადა.
რა სახის ხარჯები შეიძლება ჰქონდეს კომუნალური ტიპის კომპანიას, რომელიც წყალმომარაგება-წყალარინების სექტორში ოპერირებს, კომპანიის მხრიდან გაწეული რა ტიპის დანახარჯი შეიძლება ჩაითვალოს გონივრულად, როგორ უნდა აისახოს გაწეული ხარჯები, ლარის კურსის ცვალებადობა და ინვესტიციები ტარიფებში. აღნიშნული საკითხების შესახებ, კომპანია „ჯორჯიან უოთერ ენდ ფაუერის“ ინიციატივით, სასტუმრო „ჰოლიდეი ინში“, კონფერენცია ჩატარდა. საკონსულტაციო კომპანიებმა საქართველოში ტარიფების დადგენის არსებული წესების შედარებითი ანალიზი საერთაშორისო პრაქტიკებთან მიმართებაში წარმოადგინეს. კონფერენციას, რომელსაც დაინტერესებული მხარეები - საქართველოს ენერგეტიკისა და წყალმომარაგების მარეგულირებელი ეროვნული კომისიის, გერმანიის განვითარების ბანკის (KfW), ევროპის რეკონსტრუქცისადაგანვითარებისბანკის (EBRD) და სხვა კომპანიების წარმომადგენლები ესწრებოდნენ - ინტერაქტიული ხასიათი ჰქონდა. აღინიშნა, რომ რეკომენდაციების გათვალისწინება საქართველოში წყალმომარაგების დარგის სტაბილურობასა და წინსვლას შეუწყობს ხელს.
როგორც „პრაისუოთერჰაუს კუპერსის“ რეგულირების ცენტრის პარტნიორი ივო დოლეჟალი აღნიშნავს, კვლევა და რეკომენდაციები, რომელიც „ჯორჯიან უოთერ ენდ ფაუერისათვის“ მომზადდა, ევროპის საუკეთესო კომუნალურ პრაქტიკას ითვალისწინებს. მისი თქმით, სატარიფო მეთოდოლოგიის დახვეწის ერთ-ერთი გზა რეგულირების პროცესში მეტი თანმიმდევრულობისა და გამჭვირვალობის მიღწევაა.
საკონსულტაციო კომპანია „ფიხტნერის“ მთავარი კონსულტანტი - მარია ბელოვა კი მიიჩნევს, რომ მათ მიერ მომზადებული სიტუაციური ანალიზი და შემუშავებული რეკომენდაციები წაადგება წყალმომარაგების მომსახურების გაუმჯობესებას როგორც თბილისში, ასევე მთლიანად საქართველოს კომუნალურ სექტორში.
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
24/11/2023 მნიშვნელოვნად გამარტივდება საოპერაციო პროცესები და შეამცირდება ავარიებზე რეაგირების დრო - ზურა ალფაიძე, gwp-ის ტექნიკური განვითარების და სისტემების დირექტორი
