20/06/2017 „ჯორჯიან უოთერ ენდ ფაუერი“ პეკინის გამზირზე მასშტაბურ სამუშაოებს გერმანელ ექსპერტებთან ერთად ახორციელებს

კომპანია „ჯორჯიან უოთერ ენდ ფაუერმა“ თბილისის მერიის მიერ დაგეგმილი პეკინის გამზირის რეაბილიტაციის ფარგლებში, წყალმომარაგების ინფრასტრუქტურის სარეაბილიტაციო, მასშტაბური სამუშაოები უკვე დაიწყო. ამჟამად, კომპანიის სამშენებლო ბრიგადები ერთდროულად პეკინის გამზირის ხუთ მონაკვეთზე მუშაობენ.

სარეაბილიტაციო სამუშაოები, დღეს,  ვიცე-მერმა ლაშა აბაშიძემ ,,ჯორჯიან უოთერ ენდ ფაუერის“ გენერალურ დირექტორთან გიორგი ცხადაძესთან და მენეჯმენტის სხვა  წარმომადგენლებთან  ერთად მოინახულა.

„ჯორჯიან უოთერ ენდ ფაუერი“  სამუშაოებს, მსოფლიოს  წამყვანი გერმანული  კომპანიის RRT Ingenieurburo Weidt-ის ექსპერტეთან ერთად ახორციელებს.  დაგეგმილია 1000 მმ-იანი და 900 მმ-იანი თუჯის მაგისტრალური ქსელების ექსპერტიზა და  რეაბილიტაცია. სრულად შეიცვლება  წყალსადენის 355 მმ-იანი  და 160 მმ-იანი  3 კმ სიგრძის გამანაწილებელი ქსელები.

კომპანიის მენეჯმენტი, „ჯორჯიან უოთერ ენდ ფაუერის“ ბრიგადების სამუშაოების მიმდინარეობას, 24 საათიან რეჟიმში ვიდეომონიტორინგის საშუალებით ადევნებს თვალს.

რეაბილიტაციის პროექტის ფარგლებში, სრულად განახლდება და მოეწყობა ევრო სტანდარტის ჩამკეტ-მარეგულირებელი ურდულები. რეაბილიტაცია ჩაუტარდება წყალარინების გვირაბის 400 მეტრი სიგრძის მონაკვეთს. განახლდება ასევე წყალმომარაგების და წყალარინების  ქსელების სათვალთვალო ჭები და ჭის თავსახურები.

აღნიშნული პროექტის ჯამური ღირებულება 3 მლნ ლარს შეადგენს.

„ჯორჯიან უოთერ ენდ ფაუერი“ სამუშაოებს რამდენიმე ეტაპად განახორციელებს, პირველი ეტაპი 16 ივნისს დაიწყო, სამუშაოებს კომპანია აგვისტოში დაასრულებს.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად