2 93 11 11
24/09/2011 ინგლისური ენის შემსწავლელი კურსები ბავშვებისთვის
კომპანია"ჯორჯიან უოთერ ენდ ფაუერი" , აფრიკის დასახლებაში მდებარე მზრუნველობამოკლებულ ბავშვთა სახლ "სათნოებას" ესტუმრა, რომელსაც 2 წელიწადზე მეტია მეურვეობას უწევს.
კომპანიის ადმინისტრაციულმა დირექტორმა ნიკოლოზ ბახტაძემ ბავშვთა სახლის აღსაზრდელებს, "ჯორჯიან უოთერ ენდ ფაუერის" სახელით, სასწავლო წლის დაწყება მიულოცა და 30-ვე აღსაზრდელს მათთვის განკუთვნილი საკანცელარიო ნივთები გადასცა.
რაც მთავარია, "ჯორჯიან უოთერ ენდ ფაუერი" მიმდინარე სასწავლო წლის განმავლობაში მზრუნველობამოკლებულ ბავშვებს ინგლისური ენის შემსწავლელ კურსს დაუფინანსებს. ამით კომპანია ”სათნოების” აღსაზრდელების ინტელექტუალურ განვითარებასა და მათი ცოდნის გაღრმავებას შეუწყობს ხელს. იმისთვის, რომ უცხო ენის სპეციალისტი შეერჩია, კომპანიამ რამდენიმე უნივერსიტეტსა და საერთაშორისო აკრედიტაციის მქონე ენების შემსწავლელ სკოლას მიმართა, ინგლისური ენის სახელმძღვანელოებად კი უახლესი ბრიტანული გამოცემები და აუდიო მასალა შეარჩია, რომლის თითო კომპლექტით უკლებლივ ყველა ბავშვი ისარგებლებს. ნიკოლოზ ბახტაძემ ბავშვთა სახლის აღსაზრდელებსა და ადმინისტრაციის წარმომადგენლებს ინგლისური ენის პედაგოგი წარუდგინა, რომელიც აღსაზრდელებით დაკომპლექტებულ სამ ჯგუფს უცხო ენაში ტრეინინგებს 1 ოქტომრიდან, კვირაში 3-ჯერ ჩაუტარებს.
"ჯორჯიან უოთერ ენდ ფაუერი" ცდილობს, ბავშვებს ყველა პირობა შეუქმნას იმისთვის, რომ საფუძვლიანად დაეუფლონ ინგლისურ ენას და, ამასთან, ზოგადი განათლებაც შეიძინონ. ვფიქრობთ, დღეს მიღებული ცოდნა, სამომავლოდ, მათ სხვადასხვა სფეროში ადგილის დამკვიდრებში დაეხმარება”, - განაცხადა ნიკოლოზ ბახტაძემ.
ბავშვთა სახლ ”სათნოებაში” ინგლისური ენის შესასწავლად ყველა პირობა არსებობს. მას შემდეგ, რაც მეურვეობას უწევს, კომპანიამ ბავშვებს კარგი ბიბლიოთეკაც შეუქმნა, რამდენიმე კომპიუტერი, ფართოეკრანიანი ტელევიზორი, საოჯახო კინოთეატრი და კარაოკეც გადასცა. ასე რომ, მეტი ხალისით სწავლისთვის ბავშვებისთვის ინგლისურენოვანი ფილმების ჩვენების მოწყობაც და ინგლისური სიმღერების შესწავლაც იქნება შესაძლებელი.
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
24/11/2023 მნიშვნელოვნად გამარტივდება საოპერაციო პროცესები და შეამცირდება ავარიებზე რეაგირების დრო - ზურა ალფაიძე, gwp-ის ტექნიკური განვითარების და სისტემების დირექტორი
