2 93 11 11
10/04/2014 თბილისის საკრებულოს დეპუტაცია GWP-ის ობიექტებზე
კომპანია „ჯორჯიან უოთერ ენდ ფაუერის“ ღრმაღელის სათავო ნაგებობა და იქ განთავსებული სასმელი წყლის ხარისხის მაკონტროლირებელი ცენტრალური ლაბორატორია, დღეს, თბილისის საკრებულოს დეპუტაციის ყურადღების არეალში მოექცა. თბილისის საკრებულოს თავმჯდომარის პირველი მოადგილე გიორგი მუსხელიშვილი, ფრაქცია „ქართული ოცნება - თბილისელების“ თავმჯდომარე გულიკო ზუმბაძე და საკრებულოს სხვა დეპუტატები დღეს თბილისის წყალმომარაგების ამ ერთ-ერთ მნიშვნელოვან ობიექტს ესტუმრნენ.
რამდენად საიმედოდ და სტაბილურად ხორციელდება თბილისის წყალმომარაგება, უსაფრთხოა თუ არა ონკანის წყლის მოხმარება დედაქალაქში და რამდენად სანდოა სასმელი წყლის ხარისხის კონტროლი - სწორედ აღნიშნულ საკითხებთან დაკავშირებით, „ჯორჯიან უოთერ ენდ ფაუერის“ გენერალურმა დირექტორმა გიორგი გაჩეჩილაძემ თბილისის საკრებულოს დეპუტაციას ღრმაღელის სათავო ნაგებობის მუშაობის სპეციფიკა დეტალურად გააცნო. ყურადღება გამახვილდა ნედლი წყლის დამუშავებისა და ფილტრაციის იმ ეკოლოგიურად უსაფრთხო მეთოდებსა და საშუალებებზე, რაც ღრმაღელის სათავო ნაგებობაზე თბილისის წყალგამანაწილებელი კომპანიის სპეციალისტების მიერ იქნა შემუშავებული და დანერგილი.
საკრებულოს დეპუტაცია სასმელი წყლის ხარისხის მონიტორინგის სისტემითაც დაინტერესდა და ამ მიზნით „ჯორჯიან უოთერ ენდ ფაუერის“ ცენტრალური ქიმიურ-მიკრობიოლოგიური ლაბორატორიის მუშაობას გაეცნო. იმასთან დაკავშირებით, თუ რამდენად აკმაყოფილებს ცენტრალური ლაბორატორიის საქმიანობა სასმელი წყლის ხარისხის კონტროლის ISO-ს სტანდარტებსა და ჯანმრთელობის საერთაშორისო ორგანიზაციის რეკომენდაციებს, ლაბორატორიის სპეციალისტებმა საკრებულოს დეპუტატებს წყლის ხარისხის კომპლექსური კვლევის მონაცემები გააცნეს, რაც ცხადყოფს, რომ თბილისისთვის მიწოდებულ სასმელ წყალში ყველა პარამეტრი ზღვრულ დასაშვებ კონცენტრაციაზე საგრძნობლად დაბალია, აბსოლუტურად უსაფრთხოა ჯანმრთელობისთვის და მდიდარია სხვადასხვა მინერალით.
„ჯორჯიან უოთერ ენდ ფაუერის“ ცენტრალური ქიმიურ-მიკრობიოლოგიური ლაბორატორია, რომელიც ISO-17025 სტანდარტის შესაბამის აკრედიტაციას ფლობს, კოორდინაციას უწევს კომპანიის დანარჩენი ლაბორატორიების ფუნქციონირებას. სასმელი წყლის ხარისხის კვლევა უწყვეტ დღეღამურ რეჟიმში ხორციელდება როგორც ქიმიურ, ისე მიკრობიოლოგიურ პარამეტრებზე.
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
24/11/2023 მნიშვნელოვნად გამარტივდება საოპერაციო პროცესები და შეამცირდება ავარიებზე რეაგირების დრო - ზურა ალფაიძე, gwp-ის ტექნიკური განვითარების და სისტემების დირექტორი
