2 93 11 11
19/08/2016 კომპანია ,,ჯორჯიან უოთერ ენდ ფაუერი“ თბილისის მოსახლეობას ყოველკვირულ ანგარიშს აბარებს
კომპანია ,,ჯორჯიან უოთერ ენდ ფაუერმა“ახალი ჰიდროელექტროსადგურის, საგურამოჰესის, ექსპლუატაციაში გასაშვებად მოსამზადებელი სამუშაოები დაიწყო. ამ დროისთვის ჰესის ქვესადგურში მაღალი ძაბვის ელექტრომიერთების სამუშაოები მიმდინარეობს.
მიმდინარე კვირაში კომპანიის ადამიანური კაპიტალის განვითარების დეპარტამენტმა, თანამშრომლების დარგობრივი კომპეტენციის განვითარების მიზნით, ,,GWP აკადემიის“ მეორე პროექტი დაიწყო. მონაწილეთა შერჩევა და რეგისტაცია დასრულებულია. ისინი მომდევნო კვირიდან წყალმომარაგების დარგის განვითარების 6 ძირითად მოდულს გაივლიან.
მთაწმინდის რაიონში, ამაღლების ქუჩის სრული რეაბილიტაცია ხორციელდება. 19 აგვისტოს ,,ჯორჯიან უოთერ ენდ ფაუერმა“ სარეაბილიტაციო სამუშაოები დაასრულა - ახლით შეცვალა წყალსადენის ქსელის მოძველებული 1200 მეტრი სიგრძის მონაკვეთი და ახალი, ევროსტანდარტის ჩამკეტ-მარეგულირებელი ურდულები დაამონტაჟა. ამაღლების ქუჩის სრული რეაბილიტაციისთვის მერიის კეთილმოწყობის სამსახური ასფალტის ახალ საფარს შემოდგომაზე დააგებს.
მიმდინარე კვირის მანძილზე კომპანია ,,ჯორჯიან უოთერ ენდ ფაუერი“ სარეაბილიტაციო სამუშაოებს თბილისის სხვადასხვა უბანში აგრძელებს:
სამგორის რაიონში, კაკლიანის ქუჩაზე, სარეაბილიტაციო სამუშაოები დაიწყო. წყალსადენის ქსელის 750 მეტრი სიგრძის ამორტიზებული მონაკვეთი ახლით იცვლება.
ამავე რაიონში, ველის დასახლებაში, წყალსადენის ქსელის 900 მეტრი სიგრძის მონაკვეთი ახლით იცვლება.
ნაძალადევის რაიონში, ცქიტიშვილის ქუჩაზე სარეაბილიტაციო სამუშაოების პირველი ეტაპი დასრულდა. წყალარინების ქსელის 850 მეტრი სიგრძის ამორტიზებული მონაკვეთი მთლიანად შეიცვალა.
სოფელ გლდანში, ბარათაშვილის ქუჩის წყალსადენის ქსელის რეაბილიტაცია დასრულდა. წყალსადენის ქსელის 500 მეტრი სიგრძის ამორტიზებული მონაკვეთი ახლით შეიცვალა.
გლდანის რაიონში, ავჭალა 1-ის დასახლებაში, გაბაშვილის ქუჩაზე, სარეაბილიტაციო სამუშაოები დასრულდა. წყალსადენის მაგისტრალური ქსელის 300 მეტრი სიგრძის მონაკვეთი მთლიანად შეიცვალა.
2016 წლის მანძილზე კომპანია „ჯორჯიან უოთერ ენდ ფაუერი“ სარეაბილიტაციო სამუშაოებს თბილისის 140 ქუჩაზე განახორციელებს და 100 კმ-ზე მეტი ქსელი შეიცვლება.
26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა
18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის
17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე
07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს
24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი
