30/11/2010 დიდუბე-ჩუღურეთის რაიონში ახალი სერვის-ცენტრი გაიხსნა

კომპანია "ჯორჯიან უოთერ ენდ ფაუერმა", თბილისის აბონენტთა მომსახურების გაუმჯობესების მიზნით, დიდუბე-ჩუღურეთის რაიონში ახალი სერვის-ცენტრის კეთილმოწყობა და აღჭურვა დაასრულა.

ახალი რაიონული სერვის-ცენტრი, რომელიც “მიხეილის საავადმყოფოს” მოპირდაპირე მხარეს, დავით აღმაშენებლის #59ა-ში მდებარეობს, "ჯორჯიან უოთერ ენდ ფაუერის" გენერალურმა დირექტორმა იორგ მათისმა გახსნა. ახალ სერვის-ცენტრს დიდუბე-ჩუღურეთის რაიონის გამგებელი რამაზ სულამანიძეც ეწვია და მისი მუშაობის პრინციპით დაინტერესდა.

ახალ კომფორტულ ოფისში შექმნილია ყველა პირობა, რომ თბილისელმა მომხმარებლებმა ოპერატიული და საერთაშორისო სტანდარტების შესაბამისი მომსახურება მიიღონ. ეს ოფისი დიდუბე-ჩუღურეთის რაიონში მცხოვრებ 50937 ოჯახს (აბონენტს) მოემსახურება, მათ შორის რაიონში კომპაქტურად განსახლებულ იძულებით გადაადგილებულ პირებსაც, ასევე, 2888 საბიუჯეტო, ჯანდაცვისა და კომერციულ ობიექტს.

როგორც "ჯორჯიან უოთერ ენდ ფაუერის" გენერალურმა დირექტორმა - იორგ მათისმა აღნიშნა, დიდუბე-ჩუღურეთის ახალი სერვის-ცენტრი, კომპანიის სხვა რაიონულ ოფისებთან ერთად, მოქნილად იმუშავებს აბონენტთა დავალიანების თანხისა და ქვითარში დაფიქსირებული სულადობის კორექტირებაზე. მისი თქმით, მიუხედავად იმისა, რომ კომუნალურ სფეროში უკვე ამოქმედდა ერთიანი ადმინისტრირების სისტემა, "ჯორჯიან უოთერ ენდ ფაუერი" თბილისის მოსახლეობისთვის კვლავაც აგრძელებს დავალიანების  დაფარვის შეღავათიანი პროგრამების დაწესებას.

დავალიანების მქონე თბილისელებს შეუძლიათ მიმართონ როგორც დიდუბე-ჩუღურეთის სერვის-ცენტრს, ასევე კომპანიის ნებისმიერ რაიონულ ოფისს, სადაც მათ დავალიანების თანხის დაფარვაში დაეხმარებიან და სხვადასხვა ხელსაყრელ შეღავათს შესთავაზებენ:

• დავალიანების მთლიანი თანხის 36 თვეზე განაწილება; დავალიანების ულუფა ყოველთვიურად  მიმდინარე გადასახადთან ერთად დაიფარება.
• თუ დავალიანების მქონე აბონენტი, რომელსაც 2010 წლამდე წარმოქმნილი დავალიანება ერიცხება, ერთიანად გადაიხდის ამ დავალიანების 60%-ს და 2010 წლის 1 იანვრიდან წარმოქმნილ მიმდინარე დავალიანებასაც, კომპანია მას 2010 წლამდე დაგროვილი დავალიანების 40%-ს ჩამოაწერს.
• სოციალურად დაუცველი ოჯახებისთვის კი კომპანია  დავალიანების გასტუმრების ინდივიდუალურ და უპრეცედენტოდ შეღავათიან პირობებს დააწესებს.

გარდა ამისა, მომხმარებლებს შესაძლებლობა ეძლევათ მიმართონ დიდუბე-ჩუღურეთის სერვის-ცენტრს და ინფორმაცია მიიღონ წყალმომარაგებისა და წყალარინების შესახებ. კერძოდ, კომპანიის მიერ წარმოებული პროფილაქტიკური, გეგმური თუ სარეაბილიტაციო სამუშაოების ჩატარების თაობაზე. სერვის-ცენტრის ტექნიკური სამსახური მომხმარებლებს მიაწოდებს ყველა საჭირო ინფორმაციას და გაუწევს მათ ტექნიკურ მომსახურებას აბონირებასა და წყლის მრიცხველების მონტაჟთან დაკავშირებით. ეს ის ოპერაციებია, რის შესახებაც ადრე აბონენტები განცხადებით კომპანიის სათავო ოფისს მიმართავდნენ.

ახალი რაიონული ოფისის გახსნით, "ჯორჯიან უოთერ ენდ ფაუერმა"  რაიონული სერვის-ცენტრების მოდერნიზება დაასრულა. დღეისათვის თბილისის ყველა რაონში განახლებული სერვის-ცენტრი მოქმედებს.

26/07/2024 Georgia Global Utilities-მა 300 მილიონი აშშ დოლარის მოცულობის მწვანე ობლიგაციები განათავსა

ვრცლად

18/06/2024 ჯივიპის საგანგებო განცხადება - ჯივიპი მომხმარებლებს წყალს რეზერვუარების ალტერნატიული შევსებით მიაწვდის

ვრცლად

17/06/2024 საგანგებო განცხადება - რა ვითარებაა წიწამურთან მდებარე მაგისტრალურ წყალსადენზე

ვრცლად

07/06/2024 წყალმომარაგების სისტემის მოდერნიზაცია - Aqualia ჯივიპიში ევროპული სტანდარტების დანერგვას აგრძელებს

ვრცლად

24/11/2023 Საოპერაციო ცენტრები წყალმომარაგების სერვისების მართვის ევროპული მოდელია - ხოსე მიგელ სანტოსი, gwp-ის გენერალური დირექტორი

ვრცლად